السبت، 18 يونيو، 2011

رصيدكم خلص


الي المجلس العسكري : رصيدكم خلص ..نفذ..فينيتو...ياللي مابتهمشي ارحمونا بقا
مرة تانية عشان البهوات العسكر : انتقادكم مش تهمة..بنقول حرية تعبير مش حرية لحس البيادات...

صبرنا نفد يا مجلس

النيابة العسكرية المصرية تستدعي الصحفية رشا عزببشأن مقالها بجريدة الفجر...تاني؟؟احنا مش هنخلص بقا؟؟؟

الجمعة، 17 يونيو، 2011

ارفع ضغطك فوق..انت ثوري


ارفع ضغطك فوق..انت ثوري

ارفع ضغطك فوق..انت ثوري
(منقولة عن تويتة لحسام الحملاوي

‫الاجور قبل الدستور‬

‫قالك الانتخابات اولا ولا الدستور اولا..يا جماعة الراجل اللي في الشارع مش فارقة معاه القصص ديه هو عايز احواله تتحسن..الاجور يا جماعة..الاجور مع كامل احترامي للجماعة النخبوية اللي زي الفل..بس الثورة لسة موصلستش للناس الل طافحة الدم دي‬

‫الاجور قبل الدستور‬


‫ارفع راسك فوق..بص العصفورة‬


لا للمحاكمات العسكرية


اللواء الرويني قالك اختبارات العذرية دة شيء عادي

‫طيب دلوقتي اللواء الرويني قالك اختبارات العذرية دة شيء عادي و بيحصل يعني اعترف باللي حصل
هو محدش قاله ان دة يبقي اسمه هتك عرض او في ابسط التقدريات تحرش جنسي
و لا ايه؟؟

الجاسوس الاسرائيلي

‫أما الجاسوس الاسرائيلي ساب بقا ميدان التحرير بمظاهراته و سلطاته و بابا غنوجه و كل اللي كان بيحصل و قعد يتصور و يوزع في ابتسامات‬

جاسوس

‫قالك جاسوس اسرائيلي متخفي في ميدان التحرير لا و ايه بيحرض المواطنين علي الشغب و المواطنين طبعا الساذجين بيعملوا زي ما قالهم بغض النظر عن لهجته اللي بالضرورة هتختلف شوية عن اللهجة المصري لا و ايه ضبطوا بحوزته عدد 1 لابتوب و 3 هاتف محمول و دي طبعا قمة الجاسوسية‬

سؤال للنيابة العامة

‫سؤال للنيابة العامة : يا تري العامل اللي بيقبض 500 جنيه في الشهر هيدفع كفالة 10 الاف جنيه ازاي . و لو هو معاه 10 الاف جنيه اصلا يا تري كان بيعتصم ليه‬

عن تجريم الاعتصامات

‫هي كلمة احب اوجهها لحكومة ما بعد الثورة الغير ثورية بدل ماتروحوا تجرموا الاعتصامات روحوا شوفوا المعتصمين دول زعلانين ليه..و بدل ما تقعدوا تعيطوا و تندبوا علي عجلة الانتاج اللي فست شوفوا انتو بايدكوا ايه عشان تصلحوها...‬

في الحقيقة انا مش فاهمة

‫في الحقيقة انا مش فاهمة...بيقولك تشييع جنازة 19 مواطن مجهولي الهوية و ترددت انباء عن كونهم سجناء وردوا الي المشرحة بالبدل الزرقاء..ياريت بقا حد يفهمني؟؟؟‬

منتجات العسكر تغزو الاسواق

‫قرر المجلس العسكري اطلاق قناة خاصة به اسمها المصدر ، و ايمانا منه بأهمية تشجيع الصناعة لالوطنية فقد قرر اغراق الاسواق بمجموعة من المنتجات الوطنية بأسعار تناسب كل المواطنين ، حيث تجد " بيادة العسكر" العصرية و التي لاقت اقبالا غير عادي في الفترة الحالية و نجد كرباج ماركة العسكري و ذلك حتي لا يقتصر التعذيب علي اقسام الشرطة و نجد كاب ماركة الشرطة العسكرية للتذكير بما مضي و نجد كمامة ماركة حرية التعبير و نجد بسكويت ماركة العسكري بطعم سد الحنك و اخيرا و ليس اخرا نجد قهوة ماركة النيابة العسكرية‬

‫اكس هاز نو اند X has no end #amndawla‬


‫هل عاد جهاز تعذيب الدولة من جديد؟؟‬


البلطجي يجيب للضابط قضايا والضابط يخلص البلطجي من المنافسة

‫البلطجي يجيب للضابط قضايا والضابط يخلص البلطجي من المنافسة لحد ما يجيله مجرم يدفع له اكتر ويجاملوا بعض المظاهرات: الشرطة والبلطجية ايد واحدة

‫في الذكري الاولي لوفاة خالد سعيد‬


‫أما في سورية.. يبدو ان النظام لم يفهم بعد اشارات الربيع العربي‬


يقول الاخوان المسلمون انهم شاركوا في الثورة منذ 25 يناير بغض النظر عن كل تصريحاتهم المنافية لذلك


الشرطة والبلطجية ايد واحدة

‫البلطجي يجيب للضابط قضايا والضابط يخلص البلطجي من المنافسة لحد ما يجيله مجرم يدفع له اكتر ويجاملوا بعض المظاهرات: الشرطة والبلطجية ايد واحدة
تميم البرغوثي

‫حريتنا بايدينا...

‫حريتنا بايدينا...
بايدينا هنتحرر محدش هيجيبهالنا ديليفري

سواق المكروباص ( قتيل قسم شرطة الازبكية )

هذا و قد صرح مصدر مسؤول ان سواق المكروباص ( قتيل قسم شرطة الازبكية ) قد بلغ الميكروباص و مات
*معلومة غير صحيحة *يارا قاسم‬

حريتنا بايدينا....

حريتنا بايدينا....
فلن يستطيع احدا غيركم تحريركم

صحيح الاغلبية الصامتة هتفضل صامتة.

‫صحيح الاغلبية الصامتة هتفضل صامتة...طول ما اعلامنا بيحاصرها بمصطلحات زي الاستقرار و الحقوا الفوضي و المندسين و الحقوا اسرائيل هتحاربنا و اوعوا اقتصادنا هينهار...‬

‫شعار الشرطة الجديد: انفلات انفلات او تعذيب حتي الممات‬


مش فاهمة

‫هو موضوع يشوبه بعض التخبط و الكثير من اللغط..يتم استدعاء النشطاء و بعض الاعلاميين بشكل رسمي للتحقيق معهم بشكل رسمي ...قلوبنا تقع في رجلينا و نعمل وقفات و بعد ساعات يطلعوا من النيابة شاربين قهوة...
مش فاهمة

المجد لشهداء قافلة الحريــــــة...

المجد لشهداء قافلة الحريــــــة...
السنوية الاولي للجريمة الاسرائيلية ضد قافلة الحرية‬

‫في كل شارع في بلادي بيادة العسكر بتنادي‬


اختبارات العذرية

ذكرت شبكة سي إن إن الأمريكية نقلا عن من قالت إنه لواء في الجيش المصري رفض الكشف عن هويته تأكيده أنه تم بالفعل عمل فحص عذرية لفتيات تم اعتقالهن في مظاهرة خلال هذا الربيع
في الحقيقة ان اقل ما يمكننا المطالبة به هو فتح تحقيق فوري في الموضوع
http://arabic.cnn.com/2011/egypt.2011/5/31/virginity.test_acknowledg/index.html

انتقادك مش تهمة يا ايها المجلس العسكري

يا ايها المجلس العسكري : انتقادك مش تهمة و انما حرية عن التعبير في اطار المسؤولية اللي كلنا ملتزمين بيها في ظل ظروف دقيقة نمر بها جميعا

بكرة الحملاوي و ريم ماجد التحقيق معاهم في النيابة العسكرية و قبلهم كانت بثينة كامل..و قبلهم فيه مقالات اتمنعت من النشر...‬

حاشدة يا سيادة اللواء

‫رفع اللواء ممدوح شاهين، مساعد وزير الدفاع للشؤون القانونية، عضو المجلس الأعلى للقوات المسلحة، سماعة الهاتف إلى أخبار قناة «أون. تى. فى»، أمس الأول، كى يوبخها لأنها استخدمت على شاشتها كلمة «حاشدة» لوصف تظاهرة «جمعة الغضب الثانية». وقبل أن أعتب عليه أعتب على زملائى الذين أسقطوا الكلمة من على الشاشة بعد المكالمة، ولى فى هذا العتاب أسباب تخص الطرفين وتخصنا جميعاً.
يسري فودة ( مقال لا يا سيادة اللواء ) المصري اليوم

بيقول لك عايزين أمن وأمان

‫بيقول لك عايزين أمن وأمان. طيب وهو عدم الأمان سببه إيه؟ المظاهرات والاعتصامات المشروعة للمطالبة بالحقوق المشروعة ولا البلطجية اللي متسيّبين علينا مع إن كل من هم على صلة بجهاز الشرطة بيقولوا إن على الأقل نص البلطجية دول ليهم قوائم بأساميهم في الأقسام وممكن يتلموا في 12 ساعة وائتلاف ضباط الشرطة الأحرار أكد على الكلام ده. يبقى مستنيين إيه؟ مشاء الله كنتم في كامل قوّتكم في فض اعتصام سفارة إسرائيل، مش قادرين تتشطروا على البلطجية ليه؟
منقول عن سامية جاهين

لا يا سيادة اللواء - بقلم يسري فودة

لا يا سيادة اللواء - بقلم يسري فودة
http://www.almasryalyoum.com/node/454862
الذي لم يقرأ هذا المقال..فاته الكثير

يظل الاعلام هو المشكلة و الحل

يظل الاعلام هو المشكلة و الحل...فاحيانا يبدو غارقا في سبات عميق و احيانا اخري مكمما او عاجز عن التعبير عما يجب ان يتم التعبير عنه و احيانا اخري لا يري او يتظاهر بعدم الابصار و انعدام البصيرة...الي متي؟؟

عند الدكتاتوريات العربية الفلسطيني معشوق في ميكروفاناتهم مُهان في مطاراتهم

عند الدكتاتوريات العربية الفلسطيني معشوق في ميكروفاناتهم مُهان في مطاراتهم
مريد البرغوثي

27 مايو 2011


يسري فودة

‫إهداء إلي الاستاذ يسري فودة و طاقم إعداد " آخر كلام "..كل التقدير

27 مايو

‫و انا ماشية في الشارع سمعت بعض المواطنين البسطاء يقولون ان اللي نازلين يوم 27 مايو دول نازلين يكسروا المحلات و يحرقوا العربيات و يخربوا البلد لو تم الافراج عن مبارك..
طيب..مبدئيا فيه اختزال ليوم الجمعة عن رفض العفو عن مبارك..لا الناس مش نازلة عشان مبارك..الناس نازلة لأن فيه انفلات امني متعمد و فيه فتنة طائفية لا يتم السيطرة عليها و فيه قبض عشوائي علي النشاء و محاكمتهم محاكمات عسكرية و فيه تباطؤ في محاكمة القتلة و الفاسدين و فيه بلطجة لا يتم التعامل معها بحسم...و فزاعة انهيار الاقتصاد و تخويف من افلاس مصر

إلي المجلس العسكري

إلي المجلس العسكري:
لا..لم تعد تقنعني رسالاتكم و لا بياناتكم
لا لم اعد اقبل مصطلحاتكم و تبريراتكم
لا لم اعد اتحمل تباطؤكم و صمتكم
لاأتفهم بطئكم في محاكمة القتلة و بطشكم مع النشطاء
لا يا ايها العسكر...لم يعد مقبولا
إمضاء : مواطنة مصرية

ايها المجلس العسكري..اردنا حرية و ليس قمعا مستترا

العديد من الاشارات لا تعجبني..قطع الحلقة علي بثينة كامل و منع بعض المقالات من النشر ..مش عارفة حلقة يسري فودة امبارح (23 مايو) ينطبق عليها نفس الكلام و لا لأ..بس الحال الاعلام عامة مش عاجبني..
ايها المجلس العسكري..اردنا حرية و ليس قمعا مستترا

الي متي يا سورية


الثورة عاملة زي ما تكون مريض في حالة حرجة ومحتاج إنعاش سريع

الشعب متلخبط والقوى الثورية كمان متلخبطة ومش بتتطرح سناريوهات ولا سناريوهات بديلة محكمة
الثورة عاملة زي ما تكون مريض في حالة حرجة ومحتاج إنعاش سريع وبدل ما الدكاترة يركزوا في إنعاشه عمالين يتخانقوا على أسباب المرض وأحسن الطرق لعلاجه من وجهة نظر كل واحد فيهم . بيتهيألي ننقذ المريض الأول، ندخله الإنعاش ونوقفه على رجليه ونصالح الدكاترة على بعض عشان يعرفوا يشتغلوا، وبعدين نقرر إيه هي أحسن طرق العلاج.
(منقول عن سامية جاهين

لا تصالح


مصر الجناين طارحة مين يقطفها.

مصر الجناين طارحة مين يقطفها...مصر الجناين للي يرفع سيفها...مهما يطول السجن مهما القهر...مهما يزيد الفجر بالسجانة...مين اللي يقدر ساعة يحبس مصر!!!!!

تغيير..حرية..كرامة..انسانية


لكل تلك الاسباب..سننزل


نازلة التحرير تاني#may27


مشوارنا واحد