الاثنين، 12 ديسمبر 2011

امهاتنا

قالك السلفيين لو مسكوا هيلبسوا امي الحجاب و هما بيقولوا لو الليبراليين لو مسكوا هيقلعوا امك الحجاب....طب فيه اي حد ناوي يسيب امهاتنا ف حالها

لا تنسوا ابطال محمد محمود


المايوه و شعر المرأة


كل ما يفكرون به المايوه و شعر المرأة و عريها او تغطيتها..و لكنهم لم يذكروا التعليم و الصحة و الخ ....فهل تظنون انفسكم ستحكمون دولة ام بيت دعارة

الاثنين، 14 نوفمبر 2011

RIP Mina Daniel

#RIPMinaDaniel انا يارا قاسم مواطنة مصرية اعترض علي قيام المجلس العسكري بوضع مينا دانيال ضمن المتهمين في احداث ماسبيرو

الثلاثاء، 2 أغسطس 2011

رمضان مش مبارك

يهدي المجلس العسكري اطيب تحياته الي اهالي الشهداء و المعتصمين بمناسبة حلول شهر رمضان الكريم او " المبارك " و يتمني لهم اقامة طيبة في السجن الحربي

الأربعاء، 27 يوليو 2011

لا للمحاكمات العسكرية للمدنيين


فهمتوا غلط يا شباب : الجيش حامي الشرطة مش الثورة

يسقط مجلس مبارك

الرويني خلص كروت الشحن

عمو الرويني خلص كروت الشحن اللي المجلس العسكري صرفهالي عشان يلف بيها عالقنوات..بس من الواضح انه عك الدنيا ياخواننا : حرض علي الثوار و خون البعض و كدب عالهوا لا و ايه اعترف انه هو اللي كان بيطلع الاشاعات... يا جمالو..تتصرف كيف يا رويني تتصرف كيف يا رويني؟؟بسيطة نفصل دينا عبدالرحمن

الإخوان المسلمون يعلنون استنكارهم الشديد لكل المحاولات المشبوهة للوقيعة بين الجيش والشعب


إسقاط العسكر ..أوشكنا


آه منك يا قضائنا

آه منك يا قضائنا...يقولون مستقلا اقول لا يقولون شامخا برضه لا..فتتمايل تارة و تتدلل تارة..لا تعطي الحقوق لأصحابها...بطيئا مؤلما..و تصر علي تدليل الجناة

إستبعاد دينا عبدالرحمن و وقف برنامجها بقناة دريم بعد مداخلية الرويني و كاطو....


و لازال يصر المجلس العسكري و حكومة شرف علي ظلم و قهر العمال انحيازا للمستثمرين و رجال الاعمال


الشهيدة هدي ....بأي ذنب قتلت؟؟


يا نجيب حقهم يا نموت زيهم


و اللي يضرب شعب مصر ..مينفعش يحكم مصر

الاضراب مشروع مشروع ضد الفقر و ضد الجوع..و اللي يجرم الاضراب يبقي ناويلنا ع الارهاب ..و اللي يضرب شعب مصر مينفعش يحكم مصر #egyworkers

السبت، 18 يونيو 2011

رصيدكم خلص


الي المجلس العسكري : رصيدكم خلص ..نفذ..فينيتو...ياللي مابتهمشي ارحمونا بقا
مرة تانية عشان البهوات العسكر : انتقادكم مش تهمة..بنقول حرية تعبير مش حرية لحس البيادات...

صبرنا نفد يا مجلس

النيابة العسكرية المصرية تستدعي الصحفية رشا عزببشأن مقالها بجريدة الفجر...تاني؟؟احنا مش هنخلص بقا؟؟؟

الجمعة، 17 يونيو 2011

ارفع ضغطك فوق..انت ثوري


ارفع ضغطك فوق..انت ثوري

ارفع ضغطك فوق..انت ثوري
(منقولة عن تويتة لحسام الحملاوي

‫الاجور قبل الدستور‬

‫قالك الانتخابات اولا ولا الدستور اولا..يا جماعة الراجل اللي في الشارع مش فارقة معاه القصص ديه هو عايز احواله تتحسن..الاجور يا جماعة..الاجور مع كامل احترامي للجماعة النخبوية اللي زي الفل..بس الثورة لسة موصلستش للناس الل طافحة الدم دي‬

‫الاجور قبل الدستور‬


‫ارفع راسك فوق..بص العصفورة‬


لا للمحاكمات العسكرية


اللواء الرويني قالك اختبارات العذرية دة شيء عادي

‫طيب دلوقتي اللواء الرويني قالك اختبارات العذرية دة شيء عادي و بيحصل يعني اعترف باللي حصل
هو محدش قاله ان دة يبقي اسمه هتك عرض او في ابسط التقدريات تحرش جنسي
و لا ايه؟؟

الجاسوس الاسرائيلي

‫أما الجاسوس الاسرائيلي ساب بقا ميدان التحرير بمظاهراته و سلطاته و بابا غنوجه و كل اللي كان بيحصل و قعد يتصور و يوزع في ابتسامات‬

جاسوس

‫قالك جاسوس اسرائيلي متخفي في ميدان التحرير لا و ايه بيحرض المواطنين علي الشغب و المواطنين طبعا الساذجين بيعملوا زي ما قالهم بغض النظر عن لهجته اللي بالضرورة هتختلف شوية عن اللهجة المصري لا و ايه ضبطوا بحوزته عدد 1 لابتوب و 3 هاتف محمول و دي طبعا قمة الجاسوسية‬

سؤال للنيابة العامة

‫سؤال للنيابة العامة : يا تري العامل اللي بيقبض 500 جنيه في الشهر هيدفع كفالة 10 الاف جنيه ازاي . و لو هو معاه 10 الاف جنيه اصلا يا تري كان بيعتصم ليه‬

عن تجريم الاعتصامات

‫هي كلمة احب اوجهها لحكومة ما بعد الثورة الغير ثورية بدل ماتروحوا تجرموا الاعتصامات روحوا شوفوا المعتصمين دول زعلانين ليه..و بدل ما تقعدوا تعيطوا و تندبوا علي عجلة الانتاج اللي فست شوفوا انتو بايدكوا ايه عشان تصلحوها...‬

في الحقيقة انا مش فاهمة

‫في الحقيقة انا مش فاهمة...بيقولك تشييع جنازة 19 مواطن مجهولي الهوية و ترددت انباء عن كونهم سجناء وردوا الي المشرحة بالبدل الزرقاء..ياريت بقا حد يفهمني؟؟؟‬

منتجات العسكر تغزو الاسواق

‫قرر المجلس العسكري اطلاق قناة خاصة به اسمها المصدر ، و ايمانا منه بأهمية تشجيع الصناعة لالوطنية فقد قرر اغراق الاسواق بمجموعة من المنتجات الوطنية بأسعار تناسب كل المواطنين ، حيث تجد " بيادة العسكر" العصرية و التي لاقت اقبالا غير عادي في الفترة الحالية و نجد كرباج ماركة العسكري و ذلك حتي لا يقتصر التعذيب علي اقسام الشرطة و نجد كاب ماركة الشرطة العسكرية للتذكير بما مضي و نجد كمامة ماركة حرية التعبير و نجد بسكويت ماركة العسكري بطعم سد الحنك و اخيرا و ليس اخرا نجد قهوة ماركة النيابة العسكرية‬

‫اكس هاز نو اند X has no end #amndawla‬


‫هل عاد جهاز تعذيب الدولة من جديد؟؟‬


البلطجي يجيب للضابط قضايا والضابط يخلص البلطجي من المنافسة

‫البلطجي يجيب للضابط قضايا والضابط يخلص البلطجي من المنافسة لحد ما يجيله مجرم يدفع له اكتر ويجاملوا بعض المظاهرات: الشرطة والبلطجية ايد واحدة

‫في الذكري الاولي لوفاة خالد سعيد‬